وصية ابو طايل....... الله يرحمو ما بدو يموت على غلب..ح

الأحد فبراير 28, 2010 7:45 pm

وصية ابو طايل

لم يبق بينه وبين الموت سوى زفرة واحدة ، أماء أبو طايل بيده لبعض
الحاضرين ..فلم يفهموا عليه ..قال طايل: بجوز بده يشرب!! ..فهزّ الختيار رأسه
رافضاَ شرب الماء ..ثم تابعوا من جديد حركة يديه..قالت أم طايل : بجوز بده
الاصطنبة عشان يطوب الأرض للذكور..فهز أبو طايل رأسه وجحظ بعينيه مستنكراً كلام
زوجته في هذا الموقف الصعب..تعب نفسه قليلاً وبدأ يلهث، ثم عاد وأومأ بيديه ..
قال الابن الأصغر :بجوز أبوي بدّه هريسة !!!..بلع أبو طايل ريقه وأغمض عينيه
مستاءً من تياسة آخر العنقود ، وبعد قليل استجمع قواه..وقال لابنه الكبير، خلّي
أمك تطلع و نادي باقي أخوتك وأخواتك ..أخرج طايل أمه...ونادى باقي الأولاد..

*قال ابو طايل بتعب: اسمعوني كويس يابا!!..

أمسك طايل يده ووضعها تحت خدّه وقال: قول يابا!!..

ابو طايل: بعد ما أموت وربنا يوخذ وداعته..بتجوز أُمّك لفالح الاطرم.

الأولاد: بصوت واحد وبغضب: شو بتحكي يابا..شو بتقول يابا..؟ وحّد الله..نجوّز
أُمنا بعد هالعمر؟!!

أبو طايل: اسمعوني ونفذّوا اللي بحكي لكم عليه!!..

طايل محاولاً استرضاء والده ولملمة الموضوع: ماشي يابا، بس ليش بدك أمنا تتجوز
فالح الأطرم.؟!! أبو طايل: بهالزمانات فالح الأطرم -الله لا يوفقه - باعني بكم
وغشني فيه.

وهسع حاب استدّ منه